كريم العدل
رسالة غاضبة من كريم العدل بسبب أوردر تصوير مدته 54 ساعة
نشر كريم العدل عبر حسابه الخاص بموقع التواصل الاجتماعي فيسبوك رسالة لشركات إنتاج الأعمال الفنية والمخرجين .
أعلن كريم العدل مدي غضبه بسبب ساعات العمل الطويلة قائلا انا ومخرجين كتير غيري، بنحارب طول الوقت على فكرة اننا مش هنصور اكتر من ١٤ ساعة في اليوم اللي هو اصلا كتير على فكرة غير في الضرورة القصوى… و فجأة نتفاجئ بأوردر تصوير بيبدأ الساعة ٤ فجر الجمعة.. و بيخلص الساعة ١٠ صباحا يوم الحد؟!! ٥٤ ساعة؟؟!!!! و المفاجأة بقى انه فيلم كمان مش مسلسل مثلا، فمضغوطين علشان يسلموا الحلقات في رمضان ولا اى حاجة رغم ان برضه المبدأ مرفوض تماما بس يجوز تفهمه.
تابع فيعني ايه؟ و ازاي؟ و ليه الناس موافقة؟ و مين اللي إدى الحق للمنتج او المخرج انهم يعملوا اوردر ٥٤ ساعة؟؟ و يعني ايه ممثل يقف قدام الكاميرا و هو بقاله فوق ال٤٨ ساعة مابينامش؟؟ يعني ايه كرو إضاءة و پانثر يبقوا بيشيلوا معدات و يحطوا و ينزلوا و يطلعوا لمدة تفوق ال٤٨ ساعة؟ طيب فين النقابة؟ و هل السوق ده بقى ماشي بالسُخرة؟ هل الكرو تحول الى عبيد بالنسبة لكم؟ طيب هل المنتج هيدفع اجر الناس يومين و نص ولا ٣ ايام ولا هيدفع بزيادة علشان يعوضهم؟
أضاف طيب لو المخرج -اللي انا شخصيا اول مرة اسمع اسمه- مش خايف على نفسه ولا على شغله ولا على صحته، احنا ذنبنا ايه؟ هو مش فاهم انه بيضر السوق كله؟؟ و ان غالبا بعد شوية ده بيتحول للعادي، و ان طالما حصلت مرة يبقى ليه ماتحصلش تاني؟؟ مش فاهم ان عنده زملا بيحاربوا في كل مشروع سواء فيلم او مسلسل علشان مايحصلش في الكرو بتاعهم كده؟
يذكر أن آخر اعمال كريم العدل مسلسل أزمنة منتصف العمر من بطولة ريهام عبد الغفور، كريم فهمي، رشدي الشامي، ركين سعد، رنا رئيس.
المزيد من مشاهير العرب
أضف تعليقا